Sajak Katresna III (sajak Sunda)
Ardi Mulyana H.
-kanggo s.f.c-
Mungguhing geulis,
kapidangkeun bag-bagan carita
nu imut pinunjul dina hate
mindingan tur mawangi kekembangan
salira, duh anggeuhan
nu sampulur hade rupa
nu ngeudalkeun kasono
miara nyucruk kana sajeroning ati
duh salira,
burahay kawas cahya wulan opat welas
mapaes kahirupan nu tunggara
nya atuh moal matak pasalia
tuh salira,
tenjo di luar angin bibilintik arulin
nebak kalakay patinggilisir
rag kana taneuh
sarua murag ka handap, ka bumi nu ngayuga
duh salira,
nu kapiara dina impenan
seja nu diemut-emut
na kanyataan boh na ngimpi
salira, imutna aya di mana?
Garut, 2011
-kanggo s.f.c-
Mungguhing geulis,
kapidangkeun bag-bagan carita
nu imut pinunjul dina hate
mindingan tur mawangi kekembangan
salira, duh anggeuhan
nu sampulur hade rupa
nu ngeudalkeun kasono
miara nyucruk kana sajeroning ati
duh salira,
burahay kawas cahya wulan opat welas
mapaes kahirupan nu tunggara
nya atuh moal matak pasalia
tuh salira,
tenjo di luar angin bibilintik arulin
nebak kalakay patinggilisir
rag kana taneuh
sarua murag ka handap, ka bumi nu ngayuga
duh salira,
nu kapiara dina impenan
seja nu diemut-emut
na kanyataan boh na ngimpi
salira, imutna aya di mana?
Garut, 2011
Categories:
Sastra Sunda
0 komentar:
Posting Komentar